Trouble in Listening ? Visit live page
LIVE
RADIO
  • NEWS

  • समृद्धिको उदाहरण क्वाङजोङ्ग शहर– विमलकुमार थापा/क्वाङजोङ्ग, चीन

    July 07, 2017
    चीनको क्वाङतोङ्ग प्रान्तको क्वाङजोङ्ग शहरमा वान बेल्ट वान रोड परियोजनालाई हस्ताक्षर गर्ने मुलुकका सञ्चारकर्मीहरुबीच अन्तरक्रिया कार्यक्रममा नेपालको तर्फबाट प्रतिनिधित्व गर्न पाउँदा मलाई अत्यन्त खुशी लागेको छ । एउटा छिमेकी मलुक विकास र समृद्धिको बाटोमा अगाडि बढिरहेका बेला अर्काे छिमेकी मुलुक त्यसबाट टाढा रहन सक्दैन । स्वभाविक रुपमा एउटा असल छिमेकी मुलुकको प्रतिनिधित्व गर्दै एउटा ऐतिहासिक कार्यक्रमका सहभागी हुन पाउनु मेरा लागि गर्वको बिषय बनेको छ ।  
    कार्यक्रम आयोजना भएको चीनको दक्षिणी भूभाग क्वाङतोङ्ग प्रान्तको क्वाङजोङ्ग  समृद्धिको बाटोमा अब्बल रहेको प्रष्ट देखिन्छ । चीनका प्रमुख ४ शहरहरु पैचिङ्ग, सङ्गाइ, साङचङ र क्वाङ्जोङ्ग जसले चीनको समृद्धिलाई विश्वसामु स्पष्ट चित्रण गरेको छ । चीनको दक्षिणी भूभागमा अवस्थित क्याङतोङ्गको राजधानी शहर क्वाङजोङ्ग ऐतिहासिक, साँस्कृतिक,पर्यटकीय र प्रविधिका दृष्टिकोणले समेत अगाडि रहेको मेरो अनुभव रहेको छ । 
    भ्रमणका क्रममा मैले ऐतिहासिक रुपमा यहाँका तत्कालिन राजा नानयौको ऐतिहासिकतासँग जोडिएको संग्रालयलाई उचित संरक्षणमा समेत ध्यान दिएको मैले अनुभव गरेको छु । त्यसो त, करिब ५३ सय स्क्वायर मिटरमा फैलिएको यो संग्रालय चीनकै प्रसिद्ध ऐतिहासिक संग्रालयभित्र पर्दछ । विश्व सम्पदा सूचीमा समेत सूचिकृत यो संग्रालय विशेष गरेर चीनको ऐतिहासिक संस्कृतिका बारेमा अध्ययन र अनुसन्धान गर्न चाहनेहरुका निम्ति समेत उत्तिकै उपयुक्त मानिन सक्दछ ।  
    भौतिक संरचनाका दृष्टिकोणले आधुनिकतालाई क्वाङजोङ्गले सहजै आत्मसाथ गरेको देखिन्छ । तर, ऐतिहासिकता र मौलिकतालाई भने चटक्कै छाडेको भने छैन क्वाङ्गजोङ्गले । ऐतिहासिक मठमन्दिरको संरक्षणमा क्वाङ्गजोङ्गले संवेदनशीलतालाई यहाँको बुलुऔ नामले समेत परिचित प्रसिद्ध ऐतिहासिक नानहै मन्दिर धार्मिक रुपमा समेत उत्तिकै महत्व राखेको देखिन्छ ।
    त्यसको साथै, प्रविधि विज्ञानको क्षेत्रमा इ हान कम्पनीले ड्रोन उत्पादन गरेर विज्ञानको चमात्कारलाई व्यवहारिक रुपमा प्रयोग गर्न सफल भएको छ भने वैकिङ प्रविधिलाई विश्व सामु पस्कने काम जिआरजि कम्पनीले गरिरहेको छ । त्यसको साथै चिकित्सा विज्ञानमा वन्फो बायोटेकले अत्यन्तै व्यवस्थित रुपमा आफ्ना उत्पादनहरु गरिरहेको छ । 
    त्यस्तै, औद्योगिक विकासमा पनि क्वाङजोङ्गले अत्यन्तै प्रभावकारी फड्को मारेको अनुभव गर्न पाउदा खुशी लागेको छ । खासगरी क्वाङजोङ्ग अटोमोबाइल ग्रुप मोटर कम्पनीले जसरी कार मोटर उत्पादन गरिरहेको छ, त्यसलाई चीनमा मात्रै नभइ अन्तर्राष्ट्रिय बजारसम्म विस्तार गरेबाट यसले गरेको उत्पादन र औद्योगिकतालाई पुष्टी गर्दछ । 
    त्यस्तै, चीनको अन्तर्राष्ट्रिय व्यापारलाई कसरी प्रबद्र्धन गर्न सकिन्छ भनेर विगत ६० बर्षदेखि क्यान्टोन मेलाको आयोजना गर्दै आएको जानकारी पाउँदा धेरै खुशी लागेको छ । खासगरी चीनको आन्तरिक उत्पादनलाई बाह्य बजारसम्म र अन्तर्राष्ट्रिय उत्पादनलाई चीनको अर्थतन्त्रसँग कसरी जोड्न सकिन्छ भन्नेमा यो मेला केन्द्रित हुने गरेको पाइएको छ । 
    संसारकै तेश्रो र चीनको पहिलो उचाइमा रहेको पर्यटकीय दृष्टिकोणले समेत महत्व राख्ने क्यान्टोन टावरको अवलोकन भ्रमण गर्न पाउँदा जो कोही पनि रोमान्चित हुने गर्दछ । करिब ६ सय मिटर उचाइमा रहेको यो टावरबाट शहरको मुख्य भागहरुको सुन्दर अवलोकन गर्न पाउँदा मेरो मन झनै उत्साही भएको थियो । यसैक्रममा भ्रमणको क्रममा क्वाङजोङ्ग शहरको दक्षिणी भागमा रहेको पर्यावरणीय दृष्टिकोणले अत्यन्त रोमान्चक लाग्ने नान्सा वेट ल्याण्डको भ्रमण गर्न पाउँदा झनै खुशी लागेको छ । खासगरी पानी, जंगल र बगैचाबाट सुसज्जित नान्सा वेटल्याण्ड चराहरुको बासस्थान र प्राकृतिक सौन्दर्यताले समेत भरिपूर्ण रहेको अनुभूत गरेको छु । सँगै चीनको व्यापारलाई जलमार्गबाट अन्तर्राष्ट्रिय बजारसम्म जोड्ने समुन्द्री बन्दरगाह नान्सा पोर्टले क्वाङजोङ्गको आर्थिक र व्यापारिक समृद्धिमा महत्वपूर्ण भूमिका खेलेको पाइन्छ । त्यतिमात्र होइन, चीनले अबलम्बन गर्दै आएको वान रोड वान बेल्ट अवधारणाको प्रभावकारी कार्यान्वयनको निम्ति समेत यो वन्दरगाहले महत्वपूर्ण भूमिका खेल्न सक्दछ भन्ने मलाई लागेको छ । 
    ऐतिहासिकता र प्राकृतिक अनि पर्यटकीय दृष्टिकोणले ठूलो अर्थ राख्ने क्वाङजोङ्गको लिची बे ले चीनको परम्परागत इतिहासलाईृ झल्काएको छ भने यहाँको युन्ताइ गार्डेनले प्राकृतिक सुन्दरतालाई प्रष्ट पारेको भ्रमणका क्रममा मैले अनुभव गरेको छु । 
    अन्त्यमा, चीनको समृद्धि र विकास निम्ति क्वाङजोङ्ग शहरले खेलेको महत्वपूर्ण भूमिका र यहाँका नागरिकहरुको लगनशीलता अनि नेतृत्वको स्पष्ट दृष्टिकोण नै विकासको प्रमुख कारक हो भन्ने मेरो बुझाइ रहेको छ । 
     
  • Go to National News Go to Sports News Go to International News

KATWOOD

C M G {CAPITAL MEDIA GROUP} CAPITAL FM 92.4 MHZ KathmaNdu
CAPITAL FM 92.4

Opinion Poll

Today's Weather Forecast

  Today Tomorrow
Place   Min Max   Min Max
Kathmandu °C °C °C °C
Pokhara °C °C °C °C
Biratnagar °C °C °C °C
Birganj °C °C °C °C
Bharatpur °C °C °C °C
Mahendranagar °C °C °C °C
Nepalganj °C °C °C °C
Butwal °C °C °C °C
Dhangadhi °C °C °C °C
Tikapur °C °C °C °C
Source: World Weather Online

Bullion

Currency Unit Buying Selling
* Exchange rates fixed by Nepal Rastra Bank

Your Horoscope