श्रमिकको न्यूनतम परिश्रमिक साउनदेखि लागू हुनेगरी बढाउने तयारी

श्रमिकको न्यूनतम परिश्रमिक साउनदेखि लागू हुनेगरी बढाउने तयारी

विभिन्न क्षेत्रमा काम गर्ने श्रमिकको न्यूनतम परिश्रमिक साउनदेखि लागू हुनेगरी बढाउने तयारी गरिएको छ । विभिन्न क्षेत्रमा काम गर्ने श्रमिकको न्यूनतम परिश्रमिक १७ हजार ५ सय तोकिने तयारी भइरहेको श्रम, रोजगार तथा सामाजिक सुरक्षा मन्त्रालयले जनाएको छ । हाल मजदुरको न्यूनतम परिश्रमिक ९ हजार ७ सय रहेको छ ।  

आजको दिन वर्षभरीकै सर्वाधिक लामो 

आजको दिन वर्षभरीकै सर्वाधिक लामो 

आजबाट सूर्य दक्षिणतिर लाग्ने भएकाले नेपाल लगायत उत्तरी गोलार्द्धमा रहेका मुलुकमा आजको दिन वर्षभरीकै सर्वाधिक लामो हुनेछ । पृथ्वीले सूर्यलाई परिक्रमा गर्ने क्रममा सूर्य र पृथ्वीबीच विशेष गरेर चार प्रकारको भौगोलीय बिन्दु हुन्छ । त्यसमा दुईवटा बिन्दु ९० अंशमा पर्ने र अर्को दुई बिन्दु २३ डिग्री चार मिनेटमा पर्ने हुन्छ ।

२५ करोड घोटाला भन्दै मन्त्रालयद्धारा छानबिन सुरु

२५ करोड घोटाला भन्दै मन्त्रालयद्धारा छानबिन सुरु

खानेपानी संस्थानका महानिर्देशक भुपेन्द्र प्रसादले २५ करोड घोटाला गरेको भन्दै नेपाल खानेपानी संस्थानले छानविन सुरु गरेको छ ।  महानिर्देशक प्रसाद विरुद्ध अख्तियार र खानेपानी मन्त्रालयमा पाइप खरिद प्रक्रियामा २५ करोड घोटाला भएको उजुरी परे पछि संस्थानले छानविन सुरु गरेको हो । 

एसइइको परीक्षाफल भोलि सार्वजनिक हुँदै

एसइइको परीक्षाफल भोलि सार्वजनिक हुँदै

२०७४ चैत्रमा सम्पन्न माध्यामिक शिक्षा परीक्षा (एसइइ)को परीक्षाफल बुधवार सार्वजनिक हुँदैछ । परीक्षा नियन्त्रण कार्यालय, सानोठिमी भक्तपुर परीक्षाफल प्रकाशित गर्ने अन्तिम तयारीमा रहेको श्रोतले जानकारी दिएको छ ।

वरिष्ठ न्युरोसर्जन डा.उपेन्द्र देवकोटाको अन्त्येष्टि आज गरिदैछ

वरिष्ठ न्युरोसर्जन डा.उपेन्द्र देवकोटाको अन्त्येष्टि आज गरिदैछ

वरिष्ठ न्युरोसर्जन डा.उपेन्द्र देवकोटाको अन्त्येष्टि आज गरिदैछ । सोमबार साँझ ५ बजेर ३५ मिनेटमा निधन भएका देवकोटाको पशुपति आर्यघाटमा अन्त्येष्टि गरिने भएको हो ।  त्यसअघि देवकोटाको पार्थिक शरीरलाई अन्तिम श्रद्धाञ्जलीका लागि आज विहान ८ देखि दिउँसो १ बजेसम्म अस्पताल परिसरमा नै राखिनेछ । त्यसपछि नारायणगोपाल चोक, चक्रपथ हुँदै पशुपति आर्यघाटमा दाहसंस्कार गरिने अस्पतालले जनाएको छ । उहाँको विद्युतीय माध्यमबाट शवदाह गरिनेछ ।

आजबाट लागु हुनेगरी पेट्रोलियम पर्दाथको मुल्य घट्यो 

आजबाट लागु हुनेगरी पेट्रोलियम पर्दाथको मुल्य घट्यो 

ईन्धनको मुल्य घट्यो सरकारले आजबाट लागु हुनेगरी पेट्रोलियम पर्दाथको मुल्य घटाएको छ । चौतर्फी दबावपछि सरकारले ईन्धनको मुल्य घटाएको हो ।

बाजेको सेकुवाका मजदुरले भने– हाम्रो बिचल्ली भयो

बाजेको सेकुवाका मजदुरले भने– हाम्रो बिचल्ली भयो

बाजेको सेकुवा रेष्टुरेन्टका विभिन्न आउटलेट बन्द गरिएपछि मजदुरहरु बिचल्लीमा परेका छन्। वर्षौँदेखि कार्यरत थलो प्रहरीले बन्द गरेपछि रोजीरोटी खोसिएको भन्दै मजदुर आन्दोलनमा उत्रने तयारीमा छन्। ३३ किलो सुन तस्करी, सनम शाक्य हत्या प्रकरणमा छानबिन गर्न बनेको समितिले काठमाडौं उपत्यकाका ६ वटा आउटलेटमा सिल गरेपछि उनीहरुको जागिर गुमेको हो। रेष्टुरेन्ट सञ्चालक चेतनाथ भण्डारी सुन तस्करीमा संलग्नता रहेको तथा आर्जन गरेको रकम रेष्टुरेन्टमा लगानी गरेको छानबिन समितिले दाबी गरेको छ। ‘हामीले काम गर्ने थलोमा एक्कासी प्रहरी आएर शिल लगाइदिएको छ। सञ्चालकको अपराधमा हामीले समेत दण्ड पाएका छौँ’ १० वर्षदेखि सेफका रुपमा कार्यरत श्यामसुन्दर हेम्बा श्रेष्ठले भने, ‘हाम्रो रोजीरोटी खोसिएको छ, अब के गर्ने थाहा छैन।’ श्रेष्ठले तलब पाउने मुखैमा रेष्टुरेन्ट बन्द हुँदा गुजारा गर्न गाह्रो परेको समेत बताए। यद्यपीसरकारले गर्ने छानबिनमा आफूहरुले समेत साथ दिने बताउँदै उनले सञ्चालकले अपराध गरेको भए उनीमाथि कारबाही हुनुपर्नेमा जोड दिए। तर रेष्टुरेन्ट नै बन्द गरेर मजदुरहरुलार्ई बेरोजगार बनाउन नहुने श्रेष्ठको माग छ। विगत ९ वर्षदेखि हाउस किपिङका रुपमा कार्यरत सुशिला तामाङले रेष्टुरेन्ट बन्द हुँदा बिचल्ली भएको बताइन्। ‘हामी रासनपानी उधारोमा लिएर गुजारा गर्ने मजदुर हौँ। महिना मरेपछि कोठा भाडा, बच्चाको फी र राशनको पैसा तिर्नुपर्छ। तलब पाउने मुखैमा रेष्टुरेन्ट बन्द भएपछि बिचल्ली भएको छ’, तामाङले भनिन्। उनले एक महिनाको तलब नपाएको तथा सञ्चयकोषमा जम्मा हुँदै आएको रकम कसरी पाउने भन्ने अन्योल रहेको बताइन्। बाजेको सेकुवा बन्द भइरहने हो भने सरकारले आफूहरुलाई रोजगारी दिनुपर्ने तामाङको भनाइ छ। कामदारहरुले ब्यक्तिलाई कारबाही गर्नुपर्नेमा संस्थालाई लक्षित गरेर कारबाही प्रक्रिया अघि बढाइएको भन्दै असन्तुष्टि जनाएका छन्। बाजेको सेकुवामा २ सय मजदुर कार्यरत छन्।

कार्यकर्ता रिहाइको माग गर्दै शैक्षिक हड्ताल

कार्यकर्ता रिहाइको माग गर्दै शैक्षिक हड्ताल

अनेरास्ववियु (क्रान्तिकारी) ले शैक्षिक हड्ताल गरेको छ । आफ्ना कार्यकर्तालाई झुटा मुद्दा लगाएको भन्दै विप्लव नेतृत्वको नेपाल कम्युनिष्ट पार्टी निकट अनेरास्ववियु (क्रान्तिकारी) ले शैक्षिक हड्ताल गरेको हो ।  

चितवनमा सवारी दुर्घटना हुँदा ३ जनाको मृत्यु ७ जना घाइते  ।

चितवनमा सवारी दुर्घटना हुँदा ३ जनाको मृत्यु ७ जना घाइते ।

चितवनमा आज बिहान सवारी दुर्घटना हुँदा ३ जनाको मृत्यु भएको छ । ७ जना घाइते छन् । काठमाडौंबाट मुग्लिनतर्फ आउँदै गरेको ना ६ ख ४०६४ नम्बरको ट्रकले पोखराबाट काठमाडौंतर्फ जाँदै गरेको ग १ ख ७६९२ नम्बरको माइक्रोबसलाई पानीधारा भन्ने स्थानमा बिहान ठक्कर दिँदा दुर्घटना भएको हो । चितवन प्रहरीका अनुसार, ३ जनाको दुर्घटनामा मृत्यु भए पनि सनाखत हुन सकेको छैन ।

रानीपोखरीमा सकियो साढे २ करोड, दोस्रो पटक टेन्डर आह्वान हुँदै

रानीपोखरीमा सकियो साढे २ करोड, दोस्रो पटक टेन्डर आह्वान हुँदै

काठमाडौं महानगरपालिका रानीपोखरी पुनर्निर्माण गर्न दोस्रो पटक टेन्डर आह्वान गर्ने भएको छ। पुनर्निर्माणका लागि डिजाइन तयार भइसकेको छ। अनुमानित खर्च निकाल्न बाँकी रहेको महानगरपालिकाले जनाएको छ। महानगरको शहरी पूर्वाधार विभाग प्रमुख रामबहादुर थापाले यही साताभित्र टेन्डर आह्वान हुने जानकारी दिए। भूकम्प गएकै वर्ष राष्ट्रपति विद्यादेवी भण्डारीले रानीपोखरीबाटै पुनर्निर्माण अभियान सुरु गरेकी थिइन्। पुनर्निर्माणका लागि रानीपोखरीमा २ करोड ३० लाख रुपैयाँ सकिएको छ। रानीपोखरीबीचमा रहेको बालगोपालेश्वर मन्दिर पुनर्निर्माण पुरातत्व विभागले गरिरहेको छ। महानगरले बाँकी भाग पुनर्निर्माण गर्न टेन्डर आह्वान गर्न लागेको हो। ‘पुनर्निर्माणको कुल लागतमध्ये २ करोड ३० लाखको भरपाई भइसकेको छ,’ महानगरका प्रवक्ता ज्ञानेन्द्र कार्कीले भने, ‘पुरातत्व विभागले हामीले गरेको काम भएन भनेपछि वर्ल्ड वाइड कँडेल के एण्ड केजी जेभीसँगको ठेक्का रद्ध गरेर अर्को टेन्डर आवहनको तयारी गरेका हौं।’ कम्पनीले २ करोड ३० लाखमा संरचना भत्काउने, प्याराफीटमा ग्रिनरीको बनाउने, पोखरी सफा गर्ने, वरिपरि पैदल मार्ग बनाउने र ढुङगा लगाउने, पोखरी सुकाउने, त्यहाँको स्थानान्तरण गर्न र मन्दिरको जग हाल्नमा खर्चेको छ। कम्पनीसँग रानीपोखरी ७ करोडमा बनाउने भनेर सम्झौता भएको थियो। ‘बालगोपालेश्वर मन्दिर पुनर्निर्माणमा विवाद आएपछि विभाग र हामी बसेर छलफल गरेरै विभागले बनाउने निर्णय भएको थियो। निर्णयअनुसार अहिले उसले बनाइरहेको छ,’ महानगरका प्रवक्ता कार्कीले भने। २०७३ वैशाख १० देखि ठेकेदार कम्पनी वर्ल्ड वाइड कँडेल के एण्ड केजी जेभीले काम थालेको थियो। सिमेन्ट, ढुंगा, रोडा, गिटीलगायत कंक्रिट प्रयोग गरी पुनर्निर्माण थालिएपछि स्थानीयले विरोध गरे। विरोधपछि पुरातत्व विभागले काम रोक्न निर्देशन दियो। विभागको निर्देशनपछि २०७४ चैतमा सो कम्पनीसँगको ठेक्का रद्ध भयो। रानीपोखरी बीच भागमा रहेको बालगोपालेश्वर मन्दिर पुनर्निर्माणको जिम्मा विभाग आफैंले लिएको छ। महानगरपालिकाले बगैचा, पर्खाल र पोखरी निर्माणको जिम्मा पाएको छ। ‘हाम्रो काममा चित्त नबुझेको भन्दै विभाग आफैंले बालगोपालेश्वर मन्दिर पुनर्निर्माण गरिहेको छ,’ शहरी पूर्वाधार विभाग प्रमुख थापाले भने, ‘हामी पनि मन्दिर बाहेकका भाग पुनर्निर्माणका लागि डिजाइन तयार गरिरहेका छौं।’ विभागले एक करोड ५० लाख रुपैयाँमा कडेल(राम जेभी) रानीवारीलाई ठेक्का दिएको हो। ठेकेदार कम्पनीले असार मसान्तसम्म काम सकाइसक्नुपर्ने भएपनि ठेकेदार कम्पनीको काम हेर्दा पुनर्निर्माण आगामी असारमा नसकिने देखिन्छ। ‘असारसम्म मन्दिर पुनर्निर्माण सक्ने लक्ष्य छ। यति नै प्रतिशत काम भयो भनेर रेकर्ड राखेका छैनौं,’ विभागका प्रवक्ता रामबहादुर कुँवरले भने, ‘उसले काम सकाएपछि बिल भरपाई पाउने हो।’ विभागका अनुसार बालगोपालेश्वर मन्दिर २०७२ वैशाख १२ को भूँइचालोकै स्वरूपमा पुनर्निर्माण भइरहेको छ। राजा प्रताप मल्लले माइला छोरा चक्रवर्तेन्द्र मल्लको मृत्युपश्चात शोकाकूल रानीलाई खुसी तुल्याउने उद्देश्यले १७ औं शताब्दीमा उक्त पोखरी निर्माण गरेका थिए। पोखरीको दक्षिण किनारमा हात्तीको मूर्तिमाथि आफू र आफ्ना दुई छोरा मोहिपतेन र चक्रवर्तेन्द्रको सालिक पनि राजा प्रताप मल्लले निर्माण गराएका थिए। १९९० सालको भूकम्पमा मन्दिरको गजुर भत्केपछि जुद्धशमशेरले रानीपोखरी मन्दिरलाई अहिलेको स्वरूप दिएका थिए। अब पुनर्निर्माण हुने रानीपोखरी सोही अनुसारको निर्माण हुने महानगरपालिकाले जनाएको छ।

Design & Developed by 3d Nepal & Dbros Technology Pvt. Ltd